ញ៉ូវយ៉ក៖ នាយករដ្ឋមន្រ្តីកម្ពុជា សម្តេចតេជោ​ ហ៊ុន​ សែន បានអញ្ជេីញដឹកនាំគណ:ប្រតិភូជាន់ខ្ពស់ចាកចេញពីទីក្រុងញ៉ូវយ៉កឆ្ពោះទៅកាន់ប្រទេសគុយបា។ 

យន្តហោះគណៈប្រតិភូកម្ពុជាចាកចេញពីញ៉ូវយ៉ក សហរ្ឋអាមេរិកនៅវេលាម៉ោង​ ៥និង២២នាទី ល្ងាចថ្ងៃទី២៣ ខែកញ្ញាដែលមានរយៈពេលហោះហេីរជាង ៣ម៉ោង។

មុនហោះចេញទៅគុយបា សម្ដេតេជោ បានបង្ហោះសារមួយថា អស់រយៈពេល ៤៣ឆ្នាំហើយដែលចំណងទំនាក់ទំនងកម្ពុជា-គុយបានៅតែរក្សាបានយ៉ាងល្អក្រោមរដ្ឋបាលរបស់សម្ដេច ដែលស្មើរនឹង២/៣នៃទំនាក់ទំនងកម្ពុជា-គុយបាទាំងមូល។

សម្ដេចតេជោថា៖ «ក្នុងរយៈពេល៦២ឆ្នាំនៃទំនាក់ទំនងរវាងកម្ពុជានិងគុយបាខ្លួនខ្ញុំបានរួមចំណែកពង្រឹងពង្រីកទំនាក់ទំនងនេះអស់រយៈពេល ៤៣ឆ្នាំ (1979-2022) គឺស្មើនឹង២/៣នៃការធ្វើដំណើរទាំងមូល។ ទស្សនកិច្ចចុងក្រោយរបស់ខ្ញុំធ្វើឡើងនៅឆ្នាំ២០០០។ ខ្ញុំធ្វើទស្សនកិច្ចសាជាថ្មីម្តងទៀតក្នុងគោលបំណងពង្រឹងចំណងមិត្តភាពដែលមានស្រាប់ឱ្យកាន់តែរឹងមាំថែមទៀត»។

កម្ពុជា-គុយបាបានបង្កើតទំនាក់ទំនងការទូតក្នុងខែមេសា ឆ្នាំ១៩៦០៕